കലികാലവൈഭവം

കലികാലവൈഭവം

അശാന്തിയുടെ വാള്‍മുനയില്‍
ആത്മാഹുതി ചെയ്യപ്പെട്ട മനസ്സ്
ആത്മപീഡനമേറ്റുവാങ്ങി
കീഴടങ്ങിയ ധീരത
ജന്മാന്തരങ്ങളുടെ ബന്ധനം
മസ്തിഷ്കങ്ങളുടെ പരാക്രമം
വഴി തെറ്റിക്കുന്ന നിഗൂഢത
വശീകരണത്തിന്റെ മായാമന്ത്രങ്ങള്‍
‍പുതിയ പരീക്ഷണങ്ങള്‍
‍ഒറ്റക്കണ്ണന്മാരുടെ ദര്‍ശനം
ഹൃദയശൂന്യത തൂക്കിലേറ്റിയ
ആരാച്ചാരുടെ കൈപ്പുണ്യം
കളങ്കത്തിന്‍ കയര്‍പൊട്ടി
കുളംതോണ്ടിയ കാപട്യം
വെളിപാടിലുയുരുന്ന
വിറയാര്‍ന്ന നഗ്നസത്യം
കറപുരണ്ട തൊപ്പിയിട്ട്
ചുവടുവെക്കും രൂപങ്ങള്‍
‍പൊറ്റകെട്ടിയ പുണ്ണുകള്‍
‍പുഴു തുരക്കും ചിന്തകള്‍
‍പരപീഡനസുഖം
പുതിയ മുദ്രാവാക്യം
ആത്മരതിയുടെ കാലം
പ്രാണനില്‍ ദുര്‍ഗ്ഗന്ധം
ശ്മശാനത്തില്‍ കെട്ടുപോകാത്ത
തീക്കനലില്‍ ആശ്വാസം.
=============
അശോകന്‍ മീങ്ങോത്ത്
=============